LAOAG CITY – Maiyarig a naletson ti 10 a baboy ken agarup 10 a burias, kalpasan a nagaburanda iti agay-ayos a lava iti Lower Puna idiay Big Island, Hawaii.
Daytoy ti imbatad ni Bombo International Correspondent Manny Pascua.
Segun kenkuana, dagiti nasao a baboy ket kukua ti maysa a taga Dingras ngem nagkedked a mainaganan.
Kuna ni Pascua a napanunutan da ti nagtaraken ti baboy iti pagmulmulaanda ti papaya tapno adda in-inuted da a partiyen ken usaren da koma iti graduation party ti anmak na.
Ti bayad ti baboy idiay Big Island, Hawaii ket manipud iti 250 a dolyar agingga iti 300 a dolyar agdepende pa ti kadakkel na.
