LAOAG CITY – Umabot iti 20 nga homestay ti napaserraan idiay Pagudpud, Ilocos Norte.
Daytoy ti kinumpirmaran ni Mayor Marlon Sales iti ili a Pagudpud.
Segun ti mayor, napaserraan dagiti 20 nga homestay gapu ti panaglabsing da iti ordinansa ti nasao nga ili seknan ti saan a panangideretso ti septik tank iti baybay kangrunaan na dagiti aggapo ti kusina a nalalanit a makan.
Innayon ni Sales a masapol a maurnung koma dagitoy ken maiyadayo iti baybay.
Naamoan a naduktalan ti panagsalungasing dagiti nasao nga homestay ti ordinansa ti munisipyo iti panaginspeksyon da itay kallabes.