LAOAG CITY – Addan ti 200 a frontliners ditoy siudad ti Laoag ti nakaawat ti maikadua a dose ti SINOVAC covid-19 vaccine.
Kuna ni Dr. Joseph Adaya, ti mangidadaulo ti City Health Office a ti nasao a bilang ket ti ummuna a batch a nakaawat ti second dose.
Inabatad na a nabingay-bingay dagiti frontliners a mabakunaan tapno maliklikan ti panagdudupudop.
Kabayatanna, inpakaammo na a dagiti saan pay a nakaawat ti umuna a dose ti bakuna ket manamnama a maiyuswat iti sumarsaruno a lawas apaman nga adda ti maawat ti siudad a suplay ti bakuna manipod iti gobierno probinsya.
Daytoy ket partikular kadagiti adda iti A3 group wenno dagiti senior citizens ken addaan ti comorbidities.
