LAOAG CITY – Nabenipisiaran ti 200 a mangngalap ditoy ciudad ti Laoag iti umuna a bansada a pannakaibunong ti “Charitimba” a tulong ti Philippine Charity Sweepstakes Office kadagiti nakana a naapektaran ti bagyo Nando ditoy Ilocos Norte.
Mainaig iti daytoy, indanon ni Gob. Cecilia Araneta Marcos ti napalaus a panagyaman na iti PCSO gapu iti inpaay na a tulong kadagiti umili.
Inlawlawag ti gobernadora a ti nasao a “Charitimba” ket naglaon iti “relief goods” pakairamanan dagiti “hygiene kits”.
Inbatadna nga ikarkarigatan ti gobierno probinsyal babaen iti Provincial Social Welfare Office ti alisto a pannakaipaay ti tulong kadagiti nakana a naapektaran ti kalamidad.
Kabayatanna, ginutigotna dagiti umili kangrunaan na dagiti adda ti perdisyon ti balayna a saan nga agdudua nga umasideg iti PSWDO tapno maipaayan da met ti tulong.
