LAOAG CITY – Balligi ti pannakairubwat ti “Kabalikat sa Kabuhayan Farming Training Program iti dakkel a mall ditoy ciudad ti Laoag.
Ti nasao a programa ket nagbinnuligan ti Department of Social Welfare and Development, Department of Agriculture, 1st and 2nd Congressional District, SM Foundation Incorporated, pakairamanan ti gobierno lokal ditoy ciudad ti Laoag ken iti ili ti Dingras.
Gagem ti nasao a programa a tulungan dagiti mannalon tapno mapadur-as dagiti kabaelan da iti iseserrek dagitoy iti farming entrepreneur.
Umabot iti 200 a mannalon ti nabenepisyaran iti nasao a programa, 100 manipod ditoy ciudad ti Laoag ken 100 met iti ili ti Dingras.
Naamoan a dagiti nabenepisyaran a mannalon ditoy ciudad ti Laoag ket manipod iti Barangay Casili, Navotas South, Lagui-Sail ken Barit-Pandan idinto nga iti ili ti Dingras ket manipod iti Barangay San Marcelino, San Francisco, Bacsil, Espiritu, Capasan ken Suyo a dagitoy ket maibilang kas low income individuals.
