LAOAG CITY – Inbatad ni ABC President Mikee Fariñas ditoy siudad ti Laoag nga adda ti 200 ti pakabuklan dagiti nadutukan nga agserserbi iti barangay nga agsita ken mangisyu ti citation ticket kadagiti aglabsing iti linteg trapiko.
Kuna ni Fariñas nga iti nasao a bilang ket dua ti representate iti kada barangay ditoy siudad nu sadino a karaman ditoy ti kapitan, ti mangidadaulo ti peace and order committee ken chief tanod.
Mainaig iti daytoy, kuna na a malaksid iti panagsita ken pannakaisyu ti ticket dagiti maseknan kadagiti aglabsing ti linteg trapiko ket serbisyo pay dagitoy ti agsita kadagiti mangperdi iti seguridad ti maysa a barangay.
Innayun na nga addan ti inatendaran a seminar dagiti nadutukan nga agsita.
Patien ti opisyal a ti nasao nga addang ket dakkel a tulong iti panagmonitor ti garaw ti trapiko kangrunaan na kadagiti traffic enforcers.
