LAOAG CITY – Inpetteng ti Chinese Consulate iti Cebu ti saanda a panangmunamong iti 2016 Arbitral Award kalpasan ti panagiwayat ti Cebu ti kaunaan a panangselebrar ti West Philippine Sea Victory Day idi Lunes, a nagatendaran ni Defense Secretary Gilberto “Gibo” Teodoro Jr.
Mainaig iti daytoy, inladawan ni Chinese Consul General Zhang Zhen ti arbitral ruling kas “illigal, null ken void”.
Kas pannakabagi ti China iti Cebu, nadismaya Ni Zhen iti decision ti City Council ti panangiwayatda iti nadakamat a selebrasion. Inpettengna a mabalin daytoy a makaapektar iti napintas a relasion ti China ken Cebu gapo iti deklarasion ti West Philippine Sea Victory Day.
Kabayatanna, iti nadakamat a selebrasion, binigbig ni Defense Secretary Teodoro ti Cebu City iti panangiwayatda ti West Philippine Sea Victory Day. Inpettengna a ti 2016 Arbitral Award ket nakabasar iti United Nations Convention on the Law of the Sea (UNCLOS).
