LAOAG CITY – Inpakaammo ni Bombo International News Correspondent Leonardo Lumahan idiay Japan a naiget ti pannakabantay ti pakaangayan ti 2020 Tokyo Olympics.
Kuna na a dagiti laeng atleta ken adda ti pakainagan na iti olimpiyada ti mapalubusan a sumrek iti stadium.
Inbatad na a daytoy ket kas paset iti addang a panangliklik ti panagwaras ti covid-19 kabayatan ti pasalip.
Immuna iti daytoy, kuna ni Lumahan a naiget ti panagsagsagana ti Tokyo iti panaglukat ti Olimpliyada ita a tawen.
Innayun na a naideklara ti holiday idiay Tokyo kas panangipakita ti suporta iti Olimpiyada.
Mangnamnama met ni Lumahan nga adda ti maiyawid a gold medal dagiti atleta ti Pilipinas iti laksid a bassit ti delagates manipod ditoy pagilyan.
