LAOAG CITY – Sinungbatan ni Vice Mayor Vicentito Lazo ditoy ciudad ti Laoag ti surat iti konseho ni Mrs. Janette Duarte, ti Local Government Operation Officer ditoy ciudad.
Naipalaon iti surat babaen iti Memorandum No. 2022-04 ti panangpalagip ni Duarte iti konseho nga ipasa dan ti 2022 Annual Budget ditoy ciudad ken saan da koma nga usaren ti bileg da kas nailanad iti Local Government Code.
Inbatad ni Lazo a ti laeng rason a saan pay a naipasa ti budget ditoy ciudad ket gapu ta manarimaan paylaeng ti budget deliberation.
Innayon na a masapol a maadal a naimbag dagiti pakailatangan ti pondo iti kada departamento ditoy ciudad ti Laoag.
