LAOAG CITY – Inbatad ni Vice Mayor Victor Racimo Jr. iti ili ti Vintar a saan pay a naaprubaran ti 2022 Annual Budget iti ili ti Vintar.
Daytoy ket gapu ta naladaw dagiti dadduma a departamento a nangisumitir ti pondo da idinto a dagiti daduma ket awan pay ti insumitir da.
Kuna na a karaman kadagiti saan pay a nakaisumitir ti pondo na ket ti Engineering Office, Agriculture Office ken dadduma pay.
Inlawlawag na nga idi pay laeng nobyembre nga inbilin na nga agisumitir dagiti maseknan a departamento ngem agpapan ita ket awan pay ti insumitir da.
Innayon na nga arigna iyaleng-aleng dagiti maseknan ti agisumitir ti pondo da rason nga agpapan ita ket awan pay ti naipasa da a 2022 Annual Budget iti ili ti Vintar.
Mainaig iti daytoy, inpakaammo ti bise mayor nga ituloy da ti budget hearing intono biernes, Enero 28 ita a tawen.
