LAOAG CITY – Agtalek ni Vice Mayor Maribel Albano iti ili ti Vintar a maipasa da sakbay nga agngudo ita a tawen ti budget da para iti 2023.
Nupay kasta, kuna na a bumaba ti budget da iti sumaruno a tawen gapu iti epekto ti pandemya a gubuay ti covid-19 virus.
Inpakaammo na nga iti mabiit ket iyuswat da ti budget hearing.
Mainaig iti daytoy, inpalgak na nga iti napalabas a tawen ket naladaw a naipasa ti pondo iti ili da gapu ta saan nga aggigiddan ti panagipasa ti proposed budget dagiti nagduduma a departamento wenno opisina ken awan attachments da.
Saan pay a maibaga ti bise mayor ti pakabuklan a pondo da para iti sumaruno a tawen gapu ta saanna pay a nakita amin dagiti nasumitir iti opisina na.
