LAOAG CITY – Kinumpirmaran ti Department of Budget and Management a maiparuk-at ita a tawen ti Fiscal Year 2023 performance-based bonus dagiti personnel iti Department of Education, pakairamanan dagiti mangisursuro.
Segun ken ni Budget Secretary Amenah Pangandaman, naragsak a nangipadamag kadagiti staff ti Department of Education, aglalo dagiti mangisursuro a nalpasen ti naiget a deliberasion, no sadinno a napaneknekan dagitoy nga eligible a makaawat iti performance-based bonus para iti 2023.
Kabayatan ti plenary deliberations iti House Bill No 4058 wenno ti General Appropriations Bill, ti Department of Budget and Management babaen iti House Committee on Appropriations Chair Mikaela Suansing, ket kinumpirmaran na a ti Technical Working Group iti Executive Order No 61 ket nai-schedule intono umay a lawas tapno pormal a mangiparuk-at i resolusyon a mangideklarar a ti Department of Education ket mabalin a makaawat iti 2023 performance-based bonus.
Immunan nga inaprubaran ti Budget Department ti pannakairuk-at ti P1.64 billion para iti bayad ti 2023 performance-based bonus dagiti 110,688 a qualified officials ken employees ti Philippine Army.
