LAOAG CITY – Nagyaman ti local chief executive iti konseho ditoy ciudad ti Laoag iti panangipasada ti 2025 annual budget ti ciudad bayat ti 117th Regular session.
Maipalagip nga idi 2019 ken 2022 ket saan nga inaprobaran ti konseho ti annual budget rason a reenacted ti budget ditoy ciudad ti Laoag.
Babaen ti panangaprobar ti konseho iti pondo para iti sumaruno a tawen ket maiyimplementar a nasayaat dagiti programa ken proyekto ti ciudad a pakabenepisyaran dagiti umili.
Kabayatan ti budget deliberation iti konseho ket ado dagiti sinaludsud dagiti kameng ti konseho kadagiti budget ti nagduduma a departamento ngem kalpasan a napnek da iti nagbalin a palawag dagiti maseknan ket sangsangkamaysa da met laeng nga inaprobaran daytoy.
