LAOAG CITY – Inrakurak ti Department of Agriculture (DA) dagiti proyekto iti irigasion ket makaala ti dakkel a paset ti pundo daytoy para iti 2025 kas paset ti roadmap daytoy tapno mapapigsa ti produksion ti taraon iti pagilian.
Segun ken ni Agriculture Secretary Francisco “Kiko” Tiu Laurel, 1.2 milyon nga ektaria ti daga ti saan nga irigasion.
Kunana nga usaren ti gobierno ti pundo daytoy para iti solar-powered irrigation initiatives a makitkita met a maipangato ti produktibidad dagiti mannalon.
Malaksid iti daytoy, inbatad ni Laurel a nagpuunan ti ahensia kadagiti dryer, silo ken rice mill tapno maipangato ti apit ti pagay.
Kabayatanna, nagkiddaw ni Laurel ti kooperasion ti amin a sektor iti pannakaipatungpal ti roadmap ti pagilian para iti agrikultura a nadakamat ti multi-sectoral collaboration ket mabalin nga aramiden nga agpapada ti agrikultura ti Pilipinas kadagiti gangganaet tapno maipasigurado ti seguridad iti taraon.
