LAOAG CITY – Inpetteng ni Senate President Francis Escudero a ti tinawen a 2025 General Appropriations Act, mangrugi inton 2025 a bersion ket nasken a climate adapted ken climate resilient.
Daytoy ket kageddan iti iduduprak ti Bagyo Kristine ditoy pagilian a nakatayan ti naruay nga indibidual.
Nupay kasta, inpalgakna nga alisto laeng ti mangbabalaw no ania nga ahensia ti responsable iti intunda nga epekto ti Bagyo Kristine, kuna ni Escudero a nasaysayaat nga agsagana iti sangsangoen a pangta ti didigra.
Namnamaen met ti liderato ti Senado a pagdedebatean iti plenario ti isyu maipanggep iti flood control.
Iti panangilatang ti dakkel a pundo, inlawlawag ni Escudero a ti pananggastos ket rumbeng nga i-target ken basar iti aktual a panagsukisok ken datos tapno maipasigurado nga agbalin nga epektibo dagiti flood control programs.
