LAOAG CITY – Inaprobaranen ti Senado ti 2025 national budget nga aggatad ti P6.352 trillion.
Adda ti 18 a butos ti pimmabor ken awan ti kimmontra idinto a maysa ti abstention.
Immuna iti daytoy, sinertipikaran ni Pres. Ferdinand Marcos Jr. ti 2025 budget bilang urgent isu nga inpasa ti Senado daytoy iti maikadua ken maikatlo a pannakaibasana iti uneg ti maysa nga aldaw.
Inlawlawag ni Senate Minority Leader Aquilino Pimentel III ti panag-abstain-na gapu ta saan nga umannugot isuna iti desision dagiti padana nga agpanpanday linteg.
Inbatadna a kasapulan nga umuna a maaddaan ti emergency sakbay ti panangsertipikar ti Presidente idinto ti padana a minority senator a ni Senador Risa Hontiveros ket nagpalawag isu a pimmabor isuna siya ipasa ti budget.
Kunana a nanayonan ti budgets para kadagiti Inter-Agency Council against Trafficking and the National Coordination Center Against Online Sexual Abuse and Exploitation of Children and Child Abuse and Exploitation Materials.
