LAOAG CITY – Inpanakkel ni Police Lt. Col. Joemar Lubiano, ti chief of police ditoy ciudad ti Laoag nga adda ti 21 a paltog naideposito ti paltog iti opisina da iti uneg laeng ti maysa nga aldaw.
Inbatad na a kaadoan kadagiti napan nagideposito ket sibilyan ken adda met ti sumagmamano a pulitiko.
Kuna na nga agtalinaed iti kwerpo ti pulisya dagiti naideposito a paltog agingga a saan a malpas ti election gun ban.
Kabayatanna, inpakaammo na nga agtultuloy ti iyus-uswat da nga Oplan Katok no sadinno a dagiti gun holders nga expired ti lisensya na ket mapan da katuken tapno gutiguten nga irenew da ti lisensya da.
Innayon na a no saan a masango dagiti maseknan ti mapan agirenew ket allukuyen da dagitoy nga ipadulin da paylaeng iti opisina da dagiti ik-ikutan da a paltog.
