LAOAG CITY – Umabot iti 21 a tattao ti natay iti panagdidinnungpar ti sumagmamano a behikulo iti central Mexico.
Basar iti report, tallo a behikulo a pakairamanan ti tanker truck, bus ken van ti nagdidinnungpar iti highway iti nagbedngan ti Cuacnopalan ken Oaxaca iti Puebla state.
Inbatad ti local government official a ni Samuel Aguilar Pala, 18 kadagiti biktima ket pimmusay a dagus iti nakapasamakan ti insidente idinto a dagiti tallo ket natay bayat a maag-agasan da iti ospital.
Malaksid kadagiti pimmusay ket naruay pay dagiti nasugatan iti insidente.
