LAOAG CITY – Nairekord ti probinsya dagiti 21 a baro a kaso ti COVID-19 manipud iti dua a siudad ken sumagamamano nga ili.
Basar iti datos ti gobyerno probinsyal, 12 dagiti nagpositibo iti COVID-19 ditoy siudad ti Laoag ken uppat kadagitoy ket residente iti Brgy 34-B Gabu Norte East.
Dagitoy ket manipud kenni IN-C1437, IN-C1439, IN-C1442 agingga kenni IN-C1446, IN-C1448 agingga kenni IN-C1452.
Lima met dagiti nainayun nga aktibo a kaso iti ili San Nicolas a da IN-C1436, IN-C1440, IN-C1447, IN-C1453 kenni IN-C1454.
Saggaysan ti kaso ti COVID-19 iti ili ti Sarrat a ni IN-C1434, agtawen ti maysa a maladaga a babai, iti Brgy. 22 San Cristobal; IN-C1435, baket, agtawen ti 62, health care worker iti Brgy. Duripes iti ili ti Bacarra; IN-C1438, lalaki, agtawen ti 42, empleyado ti gobyerno iti Brgy. Badio iti ili ti Pinili kenni IN-C1441, lalaki, agtawen ti 36, LSI manupid iti La Union ken Baguio, residente iti Brgy. Alogoog iti ili ti Badoc.
Umaboten iti 1454 a kaso iti COVID-19 nga addaan iti 295 active cases, 1149 recoveries kalpasan a nalaingan dagiti 17 a pasyente ken nagtalinaed a 10 dagiti pimmusay.
