LAOAG CITY – Umabot iti 210 a marunggay ti naimula iti Barangay Bacsil South kas paset ti selebrasyon ti charter day ditoy siudad ti Laoag.
Karaman kadagiti nakipagpaset iti panagmula ti marunggay ket dagiti department heads, dagiti opisyal ti barangay iti panangidaulo ni Mayor Michael Marcos-Keon.
Inbatad ni Keon a ti namulaan ti marunggay a paset ti nadakamat a nadakamat a barangay ket possible a mapagbalin a marunggay boulevard gapu ta plano da pay a nayunan.
Maipalagip nga addan dagiti dadduma a barangay ditoy ciudad nga immunan a namulaan ti marunggay.
Mainaig iti daytoy, inlawlawag ti City Agriculturist a ni Engr. Shiela Opelac a maysa ti Barangay Bacsil South a napili da a pagmulaan ti ado a marunggay gapu ta isu ti mangadaptar ti Value Chain Analysis, aglalo ket isuda ti agmulmula ti unas ken maka-produce da ti nagduduma a produkto.
Mamati ni Opelac a kabaelan ti nadakamat a barangay ti makaparnuay ti nagduduma a produkto babaen iti marunggay.
