LAOAG CITY – Dumanon iti 215 ti pakabuklan ti bilang dagiti nagbutos a kongresista para iti impeachment ni Vice President Sara Duterte.
Manipud iti bilang dagiti agpanpanday linteg a 318.
Iti nasao a numero ket 255 dagiti agpanpanday linteg manipud kadagiti distrito ken 63 nga agpanpanday linteg manipud iti partylist.
Mangipaneknek a naartapan ti Kamara ti target-da a bilang a 102 laeng.
Iti panangilungalong ti impeachment iti Kamara, kasapulan laeng ti one-third ti amin ti House members tapno makaabante ti reklamo.
Gapu iti daytoy, nagdesisionen ti lower House ti prosecutors-da.
Adtoy dagiti napili a prosecutors para iti impeachment:
Rep. Gerville Luistro
Rep. Romeo Acop
Rep. Rodge Gutierrez
Rep. Joel Chua
Rep. Raul Angelo Bongalon
Rep. Loreto Acharon
Rep. Marcelino Libanan
Rep. Arnan Panaligan
Rep. Isabel Maria Zamora
Rep. Lawrence Defensor
Rep. Jonathan Keith Flores
Gapu iti daytoy, manamnama nga ipatulod ti kopia ti verified complaint iti Senado.
Apaman a maawat daytoy, ag-convene dagiti senador kas Impeachment Court a mangtingiting iti kaso.
Mainaig iti daytoy, indauloan ni Ilocos Norte 1st District Rep. ken Presidential Son Sandro Marcos iti panagpirma iti impeachment complaint kontra ken ni Vice Pres. Sara Duterte.
Kabayatanna, bayat a maisursurat daytoy a damag ket saan pay a nangiparuk-at ti rakurak ni Vice President Sara Duterte.
