LAOAG CITY – Umabot iti 22 a tattao ti natay idiay south-west Pakistan kalpasan a pwinersa dagiti armado a lallaki nga inruwar dagitoy kadagiti manipod kadagiti lugan da kalpasan na ket pinaltu-paltugan da dagitoy.
Basar iti report, immuna a kinita dagiti suspek ti identity dagiti biktima babaen kadagiti iggem da a dokumento sakbay a pinatay da dagitoy ken pinuuran da dagiti nagluganan da.
Napasamak ti insidente iti highway ti probinsya ti Balochistan no sadinno a pakilablabanan ti tropa ti gobierno kontra iti nagduduma a grupo.
Maitudtudo ti militant group a Baloch Liberation Army (BLA) nga adda iti likudan ti napasamak a panagatake iti Musa Khel district.
Kabayatanna, inpakaammo ni Interior Minister Mohsin Naqvi nga adda ti 12 a militants a napatay ti security forces iti inyuswat da nga operasyon kalpasan ti panagatake ngem saanen a nangipaay ti naan-anay a detalye.
