LAOAG CITY – Umabot iti 22 a tattao dagiti natay ken agarop 60 ti nasugatan iti mass shootings pakairamanan iti bowling alley ken bar idiay Lewiston, Maine.
Binigbig ti Lewiston Police Department ti person of interest iti mass shooting iti bar ken bowling alley a ni Robert Card, agtawen ti 40, ken naibilang kas “considered armed and dangerous.”
Ummuna iti daytoy, inpakita dagiti pulis ti ladawan ti suspek nga addaan ti semi-automatic rifle, kas nayon iti naipublikar a puraw nga SUV.
Segun met iti Androscoggin County Sheriff’s Office, ti nasao a suspek ket maysa abearded man a nakasuot ti brown hoodie jacket ken jeans a nakaiggem ti paltog.
Agpapan maisursurat daytoy a damag ket manarimaan ti manhunt operation dagiti otoridad ken binalakadan da dagiti tattao nga agtalinaed iti uneg ti pagtaengan da gapo iti kina-delikado ti nasao a suspek.
