LAOAG CITY – Kinumpirmaran ni Laoag City information officer Ramon “Monching” Formantes a nakitaripnong ni New Zealand ambassador to the Philippines David Strachan kada Mayor Chevylle Fariñas kenni Ilocos Norte first district Rep. Rodolfo Farinas.
Segun kenni Formantes, gagem ti ambassador a mangkita dagiti lugar iti siudad ken probinysa ti mabalin a pagpatakderan ti negosyo dagiti investor manipud iti New Zealand.
Karaman a tinurong ni Strachan kadua na ti policy adviser ket ti mabigbig a Laoag sand dunes ken ti windmill project iti ili a Burgos, Ilocos Norte.
Immuna iti daytoy, inpakaammo ti ambassador nga addan dagiti negosyo da iti sumagmamano a lugar ti pagilian kas idiay Cordillera ken Central Luzon.
Innayon na a kangrunaan a negosyo da ditoy Pilipinas ket ti honeybee production.
