LAOAG CITY – Umaboten iti 23 a kameng ti Philippine National Police (PNP) iti ili ti San Nicolas ti dimmalan ti swab test ken negatibo ti resulta da.
Daytoy ti inbatad ni Police Major Joseph Baltazar, ti chief of police iti ili ti San Nicolas.
Segun ken ni Baltazar, 32 amin a personnel ti PNP iti ili ti San Nicolas a pakairamanan ti Non-Uniformed Personnel (NUP).
Mangnamnama ti opisyal a negatibo met ti resulta dagiti nabatbati pay a kameng ti PNP iti nasao nga ili.
Innayon na no dumalanen ti swab test dagiti kameng ti PNP ket insigida nga ag-home quarantine da agingga a saan a rumuar ti resulta na.
Mainaig iti daytoy, binalakadan manen ni Baltazar dagiti adda iti babaen na a masapol a kanayun da latta nga agusar ti Personal Protective Equipment (PPE) kangrunaan na dagiti mapan agsukon kadagiti Locally Stranded Individuals (SLIs) wenno returning residents iti border control ditoy probinsya.
