LAOAG CITY – Naisalakanen dagiti crew ti oil tanker a tinamaan ti missiles kabayatan nga adda iti kabaybayan ti Red Sea.
Ti Greek-flagged a Sounion ket tinamaan ti adu a missiles kabayatan ti kaaddada iti Hodeida City.
Adda ti pakabuklan a 25 a crew daytoy no sadinno 23 kadagitoy ket Pilipino idinto a dagiti dua ket agpada a Russians.
Awan ti grupo a nangadmitir iti nasao nga insidente ngem dakkel ti pammati dagiti otoridad nga aramid daytoy dagiti Houthi rebels gapu ta isuda ti kanayon nga adda iti likudan ti panangraut iti nasao a lugar.
Basar iti Joint Maritime Information Centre (JMIC), iti agdama ket adda ti barko iti Red Sea iti nagbaetan ti Eritrea ken Yemen.
