LAOAG CITY – Umabot iti duapulo ket tallo a proyekto ken programa ti inaprobaran ti National Economic Development Authority sipud idi nagtugaw ni Presidente Ferdinand Bongbong Marcos Jr.
Segun iti National Economic Development Authority Sec. Arsenio Balisacan, pakairamanan ti proyekto a Philippine Fisheries ken Coastal Resiliency project; New Dumaguete Airport Development Project; Mindanao Inclusive Agriculture Development Project ken University of the Philippines-PGH Cancer Center Project.
Segun iti sekretario ti nasao nga ahensia, addaan daytoy iti dagup a Php749 billion a pondo.
Mainaig iti daytoy daytoy, repasuen met ti gobierno ti 185 Infrastructure Flagship Projects nga addaan iti pondo a Php 9.54 Trillion wenno katukag ti 163 billion dollars.
Panggep ti gobierno a maileppas ti dakkel a bilang dagiti proyekto manipud iti 185 nga IFP sakbay nga agpatingga ti termino ti presidente ken iti agdama nasurok nga 60 ken agtultuloy.
