LAOAG CITY – Nairekord ti 50 a baro a kaso ti COVID-19 idinto a 18 dagiti nagimbag ditoy probinsya.
Iti datus ti gobyerno probinsyal, 23 ti baro a kaso ditoy siudad ti Laoag, walo iti ili ti Bangui, pito iti ili ti San Nicolas, uppat iti siudad ti Batac, tallo iti ili ti Solsona, dua iti Currimao, ken saggaysa iti Sarrat, Pagudpud, ken Dingras.
Gapu iti daytoy, agdagup iti 3475 ti kaso, nga addaan ti 565 nga aktibo a kaso, 2857 ti recoveries, ken nagtalinaed a 53 dagiti pimmusay.
