LAOAG CITY – Umabot iti 24 a tattao ti natay kalpasan a bimtak ti fuel tanker idiay Haiti.
Malaksid kadagiti natay ket dinosdosena pay a sabsabali dagiti nakana a nasugatan iti insidente.
Basar ken ni Haitian Prime Minister Garry Coville, kaadoan kadagiti nasugatan ket 80 a porsiento ti nauram iti bagida.
Ti insidente ket napasamak iti asideg ti commune of Miragoane, agarop 100km (60 miles) laud ti ciudad ti Port-au-Prince.
Naamoan a ti fuel tanker ket adda ti immuna a nakadinungpar na a maysa a behikulo a nangitunda ti panagbettak daytoy.
Inkari ni Prime Minister Garry Coville nga aramiden na amin a kabaelan na tapno masigurado a maipaayan ti naan-anay ken makapnek a pannakataming dagiti biktima.
