LAOAG CITY – Natay ti 24 nga indibidual ken 47 ti nasugatan kabayatan ti naiwayat a tignay protesta kontra iti Myanmar’s military government kalpasan a nangipurwak ti army motorised paraglider ti dua a bomba iti panagdudupudop dagiti tattao.
Immatake ti military iti agarup 100 nga indibidual ti naguummong iti Chaung U township iti central Myanmar para iti national holiday.
Pimmusay ti rinibu a tattao ken minilyon ti timmalaw sipod idi 2021 kalpasan nga innala ti armada ti bileg a nangitunda ti civil war nga addaan ti armed resistance groups ken ethnic militias.
Mainaig iti daytoy, kalpasan a napukaw ti kontrol iti sumurok kagudua ti pagilian, mangiwaywayat ti armada ti nadara a kampania ti airstrikes ken nakaro a panangbomba.
Naammoan a napasamak ti insidente iti uneg laeng ti pito a minuto no sadinno nga adda ti nadangran iti luppona gapu iti panangbomba idinto a dagiti sumagmamano ket natay.
Kabayatanna, basar kadagiti otoridad a narigat a mabigbig dagiti bagi dagiti biktima gapu iti nakaro a pannakasagabada ti sugat.
