LAOAG CITY – Nakikoordinar ti Presidential Anti-Organized Crime Commission iti Philippine Statistics Authority tapno mangipaay ti birth certificate kadagiti ubbing a nabaybay-an ti bukodda nga ama a dati nga agtartrabaho iti Philippine Offshore Gaming Operator (POGO) hub.
Segun ken ni Presidential Anti-Organized Crime Commission executive director Gilbert Cruz, umabot iti agingga 24 a maladaga ti agdama nga adda iti sidong ti ahensia.
Naisalakan dagitoy manipud kadagiti iti Philippine Offshore Gaming Operator Hubs kalpasan ti Raid series-na iti napalabas a tawen.
Malaksid kadagiti maladaga, banbantayan met ti Presidential Anti-Organized Crime Commission ti kasasaad ti tallo a babbai a sinikogan dagiti POGO workers.
