LAOAG CITY – Natay ti tallo a pasyente idinto a nagpositibo ti 247 nga umili ditoy probinsya.
Basar iti datos ti gobyerno probinsyal, dua ti pimmusay a residente ditoy siudad ti Laoag ken maysa iti ili ti Bangui.
Manipud kadagiti baro a kaso, 41 ti nagpositibo iti ili ti Solsona, 36 iti siudad ti Batac, 29 ditoy siudad ti Laoag, agpada a 27 iti Pagudpud ken Pasuquin, 21 iti ili ti Sarrat, 19 iti ili ti San Nicolas, 16 iti ili ti Paoay, 11 iti Bangui, 10 iti Dumalneg, uppat iti Bacarra, dua iti Banna ken saggaysa iti Marcos, Currimao, Vintar, ken Carasi.
Mainaig iti daytoy, 19 a pasyente dagiti nagimbag manipud iti COVID-19, sagsasangapulo iti Pagudpud ken iti siudad ti Batac, ken maysa iti Marcos.
Gapu iti daytoy, agdagupen ti 6,724 ti kaso nga addaan iti 2,288 nga aktibo a kaso, 4,328 ti recoveries ken 108 dagiti pimmusay.
