LAOAG CITY – Kinumpirmaran ni Commander Laurel Paul Mariano Jr. mangidadaulo iti Philippine Coast Guard a nakabasae iti ili ti Currimao a tallo a grupo a bukbuklen ti 25 personnel ti nagturong idiay probinsya ti Cagayan tapno tumulong iti rescue operations gapo iti layos.
Ummuna iti daytoy, kuna ni Mariano a nakaawat da ti direktiba manipud iti headquarters da a nakabase iti probinsya ti La Union a tumulong da idiay Cagayan gapo iti nakaro a layos ken kinakurang ti tao nga agresponde.
Segun kenni Marinao, itay bigat ti panagturong dagiti kameng ti PCG ken agpapan maisursurat ti damag ket addan dagitoy iti Claveria, Cagayan.
Inlawlawag na a sakbay a nagbyahe dagitoy ket nakikoordenar da kenni Mr. Marcel Tabije tapno ipakammo a mapan da idiay Cagayan tapno tumulong iti rescue operations.
Gapo iti daytoy, naiprayoridad da a dimmalan iti ili ti Pagudpud a manarimaan ti clearing operations kalpasan ti panagreggay ti daga.
Innayon na a tugot dagiti kameng ti PCG dagiti rescue equipment kas iti rubber boats, aluminum boats ken dadduma pay.
