LAOAG CITY – Umabot iti 25 a soldado ti Democratic Republic of Congo ti nasentensyaan ti dusa a patay gapu iti panangabandonar da iti posisyon da bayat ti gubat kontra iti notorious M23 rebels a napasamak iti daya a paset ti pagilian.
Nakunviktaran pay dagiti soldado iti kaso a theft babaen ti military tribunal gapu iti a panagtakaw da kadagiti shop kalpasan nga inabandonar da ti posisyon da.
Nakaliklik met iti kaso dagiti uppat nga asawa dagiti soldado a nagawat kadagiti tinakaw a produkto babaen metlaeng kadagiti assawa da.
Mainaig iti daytoy, inbatad ti abogado dagiti soldado nga iyapela na ti sentensya dagiti kliyente na.
Malaksid kadagiti 25 a soldado a nasentensyaan t dusa a patay ket adda pay ti maysa a soldado a nasentensyaan ti 10 a tawen a pannakabalud.
Maipalagip nga iti napalabas a lawas ket adda ti nasurok a 150,000 a sibilyan ti nagbakwit gapu iti mapaspasamak a gubat iti lugar a nangitunda ti humanitarian crisis iti rehiyon.
