LAOAG CITY – Inpakaammu dagiti otoridad a di kumurang a 25 a tattao ti natay kalpasan a bimtak ti bomba iti estasion ti tren iti Balochistan Province iti Pakistan.
Malaksid kadagiti pimmusay ketumabot pay iti 50 nga indibidual dagiti nasugatan iti panagbettak.
Napasamak ti panagbettak apaman a nagandar ti tren ken agbiyaahe daytoy manipud iti estasion ti Quetta iti abagatan a laud ti Pakistan nga agturong idiay Peshawar.
Kinuna ti maysa a militante a grupo a Balochistan Liberation Army, a ti naaramid a panagbombo ket maibilang a suicide attack.
Maipalagip nga iti laeng nabiit ket adda ti napasamak a bombing attack, a nangtignay iti panagkiddaw iti panagwaywayas ken kontrol kadagiti local resources.
Kabayatanna, ibabtad ti City commissioner a 25 a tattao ti natay, no sadinno a karaman ditoy ti suicide bomber.
