LAOAG CITY – Natay ti 25 a tattao kalpasan ti panagbettak iti pagaramidan ti paputok idiay India.
Malaksid kadagiti natay ket adda pay ti uppat nga indibidual ti nagsagaba ti nakana a sugat iti insidente a napasamak iti Tamil Nadu ti southern Indian state.
Napasamak daytoy iti Vanaja Fireworks Industry no sadinno a rumbeng koma a nakaserran ngem adda pay ti 50 a mangmangged a nagtalinaed iti uneg.
Narigatan dagiti rescuers gapu ta adda paylaeng dagiti bumbumtak a paputok kabayatan ti kaadda da iti uneg.
Agtultuloy ti imbestigasyon dagiti otoridad tapno maamoan no ania ti makaigapu iti napasamak a panagbettak.
