LAOAG CITY – Naipaay dagiti 25 nga smart TV, laptop ken tablets kadagiti 25 a barangay iti ili ti Pinili.
Segun ken ni National President of the Vice Mayors League of The Philippines Maynard Francis Bumanglag a ti pannakaipaay kadagitoy ket tapno adda ti usaren no agtataripnong dagitoy ken masigurado a makaaramid ken maipasada dagiti reports iti naikeddeng nga oras.
Inbatadna nga iti kallabes ket isuda ti nagbalin a kampeon iti Regional Local Legislative Award 2025 a pakakitaan a masapul a tumulad met dagitoy a napintas ti pannakaisayangkat ti klase iti panagsession-da.
Kunana a dagitoy ket pakpakauna pay laeng a regalo kadagiti barangay gapu ta kayatda ket addaanda ti kagamitan a mausar kadagiti aniaman a programa wenno aktibidad ti barangay.
Innayon ni Bumanglag a kagiddan iti panagpasilaw iti Giant Christmas Tree-da ket adu pay dagiti aktibidad ken programa a maipabuya.
