LAOAG CITY – Inadmitir ni Police Lt. Col. Amador Quiocho, hepe ti PNP Laoag nga adu latta dagiti tattao a nasusubeg gapu ta adu dagiti matiltilw dagiti pannakabagi ti linteg.
Daytoy ket kalpasan nga umabot ti 26 a tattao dagiti natiliw gapu ti panaglabsing da kadagiti pagalagadan ti enhanced community quarantine, panagtutupada a maibilang a sugal ken dadduma pay kalpasan ti sumagmamano nga aldaw.
Kuna ni Quiocho nga adu dagiti maaw-awat da a report seknan dagiti agsalsalungasing kadagiti pagalagadan kangrunaan ti social distancing ken iti curfew hours.
Kageddan iti interview kenni Quiocho, kiniddaw na ti panangsurot dagiti tattao dagiti paglintegan ken agtalinaed da iti uneg ti pagtaengan da bayat ti enhanced community quarantine gapu ti pangta ti coronavirus.
