LAOAG CITY – Nairekord ti probinsya ti maysa a death case ken 268 a baro a kaso idi kalman, Agosto 11.
Iti inparuk-at a datos ti gobierno probinsya, ti maysa a pimmusay ket manipod iti ili ti Bangui.
Kabayatanna, manipod iti 268 a kaso ket 63 ti nairekord ditoy siudad ti Laoag, ti kangatoan iti intero a probinsya.
Sumaruno ditoy iti siudad ti Batac nga addaan ti 42 a baro a kaso, 36 iti Sarrat, 22 iti Paoay, 21 iti Dingras, 19 iti Banna, 16 iti Bacarra ken 15 iti ili ti Burgos.
Mainaig iti daytoy, nakairekord met ti 11 a kaso iti ili ti Pasuquin, innem iti Badoc, lima iti Vintar, agpada a tallo iti Piddig ken San Nicolas, dua iti Solsona ken maysa iti ili ti Pinili.
Kabayatanna, malaksid iti baro a kaso ket nanayunan ti 427 ti bilang dagiti nalaingan manipod iti covid-19 rason nga addan 6,761 a total recoveries.
Umaboten iti 4031 ti aktibo a kaso ditoy probinsya idinto nga adda pakabuklan a 156 dagiti pimmusay gapu iti virus.
Agtultuloy ti panawagan ti gobierno probinsya iti kanayun a panangsurot ti minimum health protocols tapno naan-anay a maliklikan ti panagwaras ti covid-19.
