LAOAG CITY – Rugianen ti New NAIA Infra Corp. (NNIC) ti panangikkat kadagiti 27 a naabandonar nga aircrafts iti general aviation area ti NAIA.
Gagem daytoy tapno mapalawa ken agbalin a natalged ti airside operations.
Basar iti New NAIA Infra Corp., karaman kadagiti ikkatenda ket ti maysa a Cessna 421B a naka-park iti Ninoy Aquino International Airport (NAIA) sipod pay idi 2009.
Adda pay ti Boeing 737-200 a mangok-okupar iti 865.52 square meters ti North Taxiway Extension sipod pay idi 2015.
Pinatuludanen ti New NAIA Infra Corp. ti notice dagiti akinkukua ken pannakabagi ti kompania nga agtagikua kadagiti nasao nga eroplano.
Naammoan a no mapaay dagitoy nga agtignay ken ituloyen ti airport operator ti disposal kadgaiti aircraft maiyallubog kadagiti maipatpatungpal a linteg ken pagannurotan.
