LAOAG CITY – Umaboten iti 27 a pamilya ti naibakwit manipod iti Barangay 43 Cavit, Barangay 34-A, ken Barangay 34-B ditoy ciudad ti Laoag gapu iti iduduprak ti bagyo Nika.
Daytoy ti inpakaammu ni Dr. Melvin Manuel, ti mangidadaulo iti City Disaster Risk Reduction and Management Council ditoy ciudad.
Kunana nga adda dua nga evacuation center ti ciudad a nausaren.
Mainaig iti daytoy, naka-pre-posistioned dagiti heavy equipment ti ciudad naiget ti panagmonitor ti ahensya kadagiti coastal barangay kangrunaan na iti Barangay Gabu.
Kabayatanna, inbatad met ni Roger dela Cruz a masansan nga agbkwit da no adda sumangbay a bagyo gapu ta saan met a bay-bay-an isuda ti lokal a gobierno.
