LAOAG CITY – Natiliw dagiti 27 a tattao gapu iti maipagarup a panagsusugal da iti maysa a bilyaran idiay Brgy. 7A ditoy ciudad ti Laoag.
Nabigbig dagitoy a da Velando Mangrubang, Jaime Madayag, Humbrey Martin, Khalil Obinay, Reggie Carl Gamit, Joel Manuel, Jamalodin Dimakuta, Joefrey Salon, Junie Domingo, Santos Cabbab, Kiram Cota, Arnel Borromeo, Bonifacio Guerreo Boung, Jomar Dela Cruz, Larry Domingo, Jerome Domingo, Marc Anthony Sacro, Abubakar Yusaf, Winston Santos, Ali Manaraag, Benjie Decampong, Ameno Mambuay ken Amer Dimangada Jabar Mambuay.
Nakumpiskar dagiti otoridad ti 1,800 pesos a pusta a naipan iti akinlaud a paset ti billiard table, 16 a billiard balls, 3 a billiard sticks, maysa a triangular wood setter, maysa a billiard leather case ken dagiti personal a kwarta dagiti akusado.
Segun kenni Pol. Lt. Col. Mar Louise Bondoc, ti Chief of Police ti PNP Laoag, saan pay a nabigbig nu siasinno ti akinkuka ti nasao a pagbilyaran.
Naamoan a naipadalanen dagiti maseknan iti medical examination iti Laoag City General Hospital.
