LAOAG CITY – Umabot iti 27 nga inbidual a most wanted person ti natiliw dagiti otoridad kabayatan ti Holy Week.
Daytoy ti inpakaamo ni PCol. Julius Suriben, ti provincial director ti Ilocos Norte Police Provincial Office.
Segun ken ni Suriben, maysa kadagiti naarestar ket ti Top 6 Most Wanted babaen kadagiti kameng ti PNP-Solsona.
Karaman pay ditoy top Top 1 ken Top 2 most wanted person nga agpada a sumangsango iti kaso a panagsalungasing ti RA 10883 wenno ti anti carnapping law ken homicide.
Malaksid kadagitoy ket naarestar pay ti Top 3 most wanted person babaen iti PNP-Pagudpud ken sumangsango iti kaso a rape.
Mainaig iti daytoy, kaso a murder ti sangoen dagiti Top 4 ken Top 5 most Wanted person .
Kabayatanna, naarestar ti Top 6 Most Wanted person it ili ti Pinili gapo ii kaso a Lascivious conduct ti RA 7610.
Inbatad ni Suriben a babaen iti agtultuloy nga operasyon ti kapulisan ken in-innot a makemmeg dagiti aglemlemmeng nga akusado.
