LAOAG CITY – Umabot iti 28 a Persons Deprived of Liberty (PDL) iti Ilocos Norte Provincial Jail (INPJ) ti nagenrol iti program ti Department of Education nga Alternative Learning System (ALS).
Segun kenni Jail Warden Edietor Guiang, tallo ti nagenrol iti elementarya, 18 iti Junior High School ken pito iti Senior High School.
Inlawlawag ti Guiang a dagiti mangisursuro mismo ti agturong iti pasilidad iti kada Huwebes nga isu ti aldaw a panagklase dagitoy.
Kunana pay a ti mismo Department of Education ti mangipaay ti school supplies ken adda pay ti module dagitoy.
Inbatad na a kalpasan ti panagklase dagitoy ket masapol nga isubli da dagiti inusar da a ballpen sakbay ti panagsubli dagitoy iti selda da.
