LAOAG CITY – Addan iti kustodiyar ti Bureau of Customs (BOC) ti 28 a luxury vehicles a kukua ti pamilya Discaya.
Basar iti BOC, insuko ti pamilya Discaya ti nayuna a 16 a lugan da idi Huwebes, Setyembre 4.
Daytoy ket malaksid kadagiti immuna a 12 a lugan a nakalista iti search warrant a naiyuswat idi Setyembre 2 iti St. Gerrard Construction General Contractor & Development Corp. compound iti ciudad ti Pasig.
Dimmalan dagiti lugan iti sealing ken documentation ken dagitoy ket naiget a banbantayan dagiti personalidad ti BOC bayat a maiberberipikar dagiti importation records ken assessment of duties and taxes.
