LAOAG CITY – Umabot iti 28 a tattao ti natay kalpasan ti inpatungpal nga airstrike ti Israel iti Gaza Strip.
Basar iti Palestinian medical officials, karaman kadagiti natay ket ti lima nga ubbing.
Ti nasao nga airstrike ket naigiddan iti ibibisita ni Cardinal Pierbattista Pizzaballa, ti lider ti Simbaan Katolika iti Holy Land.
Nagturong iti Gaza ni Cardinal Pizzaballa tapno mangiyuswat ti misa.
Inkalintegan ti Israel a ti target da ket ti Hamas nga aglemlemmeng iti nasao a lugar.
