LAOAG CITY – Umabot iti 28 a tattao ti natay kalpasan ti iduduprak ti napipigsa a bagyo ken tornado manipod iti tengnga a paset ti East Coast.
Naamoan a ti kangrunaan a naapektaran ket ti Kentucky, no sadinno a 19 nga indibidual ti natay a kaadoan ket taga Laurel County.
Segun ken ni Gov. Andy Beshear, karaman kadagiti natay ket ti maysa a beterano a bombero a ni Maj. Roger Leslie Leatherman, a pimmusay kabayatan a tumultulong iti didigra.
Naruay a babbalay ti nadadael ken dagiti agkakapamilya ket napilitan da a naglemmeng iti basement da bayat a dumupduprak ti napigsa a tornado.
Kabayatanna, adda met ti pito nga indibidual a natay iti paset ti Missouri, idinto a lima iti St. Louis, a natamaan ti maysa nga EF-3 tornado wenno tornado nga addaan ti kapigsa ti angin a 140 mph ken dua met ti pimmusay iti estado ti Virginia kalpasan a natupakan ti kayo ti nagluganan da.
Iti pakabuklan ket adda ti 15 nga estado a naapektaran ti bagyo idinto a nasurok a 462 ribo a balay ti napukawan ti kuryente.
Samantala, nagbabala ang mga weather authorities ng panibagong bugso ng masamang panahon, partikular sa state ng Oklahoma, Texas, Northeast U.S., at South-Central Plains.
