LAOAG CITY – Adda ti 29 a miembro ti Kingdom of Jesus Christ (KOJC) ti sumango ti reklamo kalpasan nga umabot iti 60 a police officers ti nadangran iti panangiyimplementar da ti arrest warrants kontra ken ni Pastor Apollo Quiboloy.
Iti press conference, inrakurak ti pannakangwat ti Police Regional Office (PRO) 11 Police Major Catherine dela Rey a pinilaan da dagiti 29 a miembro ti Kingdom of Jesus Christ ti obstruction of justice ken direct assault.
Segun kenni dela Rey, dagiti dadduma a nakasoan ket adda da iti Davao City Police Office custodial facility.
Inpakaammo ni Dela Rey nga adda ti 60 a pulis ti nadangran iti police operation ken iti agdama ket manarimaan da paylaeng nga agrekrekobre.
Immuna iti daytoy, adda dagiti miembro ti Kingdom of Jesus Christ a nagpila ti reklamo kalpasan a nagsagaba da ti sugat kabayatan ti police operations iti compound ti nasao a religious group idiay Davao City, ngem naglikudan ti nailian a pulisya ti akusasyon.
Maipalagip a nangisyu ti arrest warrants ti Davao ken Pasig courts kontra ken ni Quiboloy ken dadduma pay nga akusado gapu iti maipagarop a panaglabsing da ti Special Protection of Children Against Abuse, Exploitation, and Discrimination Act, pakairamanan ti human trafficking.
