LAOAG CITY – Natay ti 29 nga indibidual kalpasan a nagsuek ti maysa a Russian military plane iti sakupen ti Ukrainian peninsula ti Crimea.
Basar iti Russian defense ministry, ti pannakadadael ti An-26 aircraft ket nasarakan idi Martes kalpasan a naawanan ti contact ti eroplano kadagiti otoridad iti panawen ti “routine flight.”
Binabalawna ti technical failure ken awan ti naipadamag nga external damage iti eroplano no sadinno a saan a dagiti missiles, drones wenno tumatayab ti makaigapu iti panagsuek ti eroplano.
Nakalugan ti pito a tripulante ken 23 a pasahero kabayatan nga adda iti tangatang ti Crimean peninsula ti Ukraine.
Kinumpirmaran ti Investigative Committee ti Russia ti panagsuek a nangitunda iti pannakasaludsod iti maysa a panaglabsing iti kinatalged ti flight.
