LAOAG CITY – Natay ti dua a pasyente ti COVID-19 idinto a 292 ti baro a kaso ditoy probinsya.
Basar iti datus ti gobyerno probinsyal, 112 ti baro nga aktibo a kaso ditoy siudad ti Laoag, 39 iti ili ti Bacarra, 37 iti ili ti Bangui, 31 iti siudad ti Batac, 27 iti Sarrat, 15 iti San Nicolas, 10 iti Pagudpud, siyam iti Paoay, tallo iti Pinili, dua iti Dingras, ken saggaysa iti Currimao, Piddig, Pasuquin, Carasi ken Burgos.
Dua dagiti natay ditoy siudad ti Laoag.
Kabayatanna, 128 a pasyente dagiti nagimbag rason nga umaboten ti 4,774 ti recoveries.
Manipud ti nasao a bilang, 56 ti nagimbag ditoy siudad, 39 iti siudad ti Batac, 31 iti Bangui, ken dua iti Piddig.
Agdagupen ti 7,843 ti kaso, nga addaan ti 2,948 active cases, ken 121 dagiti pimmusay.
